Бажарывлулугъун гёрсетген
Республиканы билим берив центрыны сиптечилиги булан 2023-нчю йылны сентябр айыны 4-нден декабр айны 9-у болгъунча «Твой подвиг не забыт» деген конкурс чараны республика комплекси оьтгерилген.
Конкурс чаралар республиканы педагогика, ёлбашчы ва оьзге билим берив гьаракат булан машгъул къурумланы къуллукъчуларыны, орта касбу берив къурумланы студентлерини, школаланы охувчуларыны, школа чагъына етишмеген яшлар сакъланагъан идараланы тарбиялавчуларыны арасында оьтген.
«Бессмертен подвиг героев» деген темагъа байлавлу 5-8-нчи класланы охувчуларыны арасында оьтгерилген конкурсда Къакъашура бир номерли орта школаны 6-нчы класыны охувчу къызы Аида Шайыхова уьчюнчю ерни къазангъан.
Аида Шайыхова ва ону ёлбашчысы Ирисбат Межидованы республика чарада къазангъан ери булан къутлайбыз ва гележекде де яратывчулукъ уьстюнлюклер ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
